Dermatovenerologiya va kosmetologiya sohasida navbatdagi seminar va mahorat darslari bo’lib o’tdi

Respublika ixtisoslashtirilgan dermatovenerologiya va kosmetologiya markazi Qashqadaryo filialida hududda eng ko‘p uchraydigan kasalliklar – atopik dermatit, psoriaz, fotodermatoz, alopesiya – bo‘yicha Sog‘liqni saqlash vazirligi bosh dermatovenerologi, etkazchi ilmiy xodim, t.f.d., professor A.B. Raxmatov tomonidan seminar va mahorat darslari tashkil etildi.

❗️Seminarda «Psoriaz: etiopatogenez, zamonaviy tashxislash, davolash va sog‘lomlashtirish»,

«Alopesiya: kelib chiqish sabablari, klinikasi, diagnostika va davolash»,

«Atopik dermatit: patogenez, klassifikatsiya, klinika, diagnostika, davolash va sog‘lomlashtirish» mavzulariga ham alohida e’tibor qaratildi.

🔹 Tadbirda amaliy mashg‘ulotlar va interaktiv muhokamalar o‘tkazilib, hududdagi tibbiyot xodimlari bilim va ko‘nikmalarini mustahkamlash imkoniyati yaratildi.